ಇದೇ 20ರಂದು ಬಿಡುಗಡೆಯಾಗುತ್ತಿರುವ “ಧ್ರುವತಾರೆ” ಚಿತ್ರಕ್ಕೆ ಸ್ಟಾರ್ಸ್ ಗಳ ಸಾಥ್

ಯುವ ಪ್ರತಿಭೆಗಳ ಸಾರಥ್ಯದ “ಧ್ರುವತಾರೆ” ಚಿತ್ರತಂಡ ಒಂದು ವಿಭಿನ್ನ ಕಂಟೆಂಟ್ ಮೂಲಕ ಸದ್ದು ಮಾಡಲು ಸಜ್ಜಾಗಿದೆ. ಇದೇ ತಿಂಗಳು 20ನೇ ತಾರೀಕು ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದ್ದು, ಈ ಧ್ರುವತಾರೆ ಚಿತ್ರದ ಟ್ರೈಲರ್ ನೋಡಿ ಕ್ರೇಜಿಸ್ಟಾರ್ ರವಿಚಂದ್ರನ್, ನವರಸ ನಾಯಕ ಜಗ್ಗೇಶ್, ರಮೇಶ್ ಅರವಿಂದ್ ಮುಂತಾದ ನಟರು ಬೆನ್ನು ತಟ್ಟಿದ್ದಾರಂತೆ.

ಹೊಸಬರ ಚಿತ್ರಕ್ಕೆ ಈ ರೀತಿ ಪ್ರೋತ್ಸಾಹ ಸಿಕ್ಕಿರುವುದು ನಮಗೆ ಇನ್ನೂ ಭರವಸೆ ಮೂಡಿಸಿದೆ. ಹಾಗಯೇ ಮತ್ತಷ್ಟು ಮೇರು ನಟರನ್ನು ಸಂಪರ್ಕಿಸಲು ಪ್ರಯತ್ನಿಸುತ್ತಿದ್ದೇನೆ ಎಂದು ನಟ ನಿರ್ದೇಶಕರಾದ ಪ್ರತೀಕ್ ತಿಳಿಸಿದ್ದಾರೆ.

ಈಗಾಗಲೇ ಚಿತ್ರದ ಟ್ರೈಲರ್ A2 ಫಿಲಂಸ್ ಯೂಟ್ಯೂಬ್ ಚಾನೆಲ್ ನಲ್ಲಿ ಬಿಡುಗಡೆ ಯಾಗಿದ್ದು , ಅತ್ಯುತ್ತಮ ಪ್ರತಿಕ್ರಿಯೆ ದೊರಕುತ್ತಿದೆ . ಚಿತ್ರದ ಟ್ರೈಲರ್ ಹೇಳುವ ಹಾಗೆ ಇದು ಒಂದು ವಾಸ್ತವದ ಪ್ರೇಮಕಥೆ ಯಾಗಿದೆ. ಜಿ.ಪಿ. ಫಿಲಂ ಸ್ಟುಡಿಯೋಸ್ ಬ್ಯಾನರ್ ನಡಿ ಗಣೇಶ್ ಕುಮಾರ್ ಸಿನಿಮಾದ ನಿರ್ಮಾಣ ಮಾಡಿದ್ದು , ಪ್ರತೀಕ್ ನಿರ್ದೇಶನದ ಜವಾಬ್ದಾರಿಯೊಂದಿಗೆ ನಟನೆಯನ್ನು ಕೂಡ ಮಾಡಿದ್ದಾರೆ.

ಈ ಚಿತ್ರದಲ್ಲಿ ಪ್ರತಿಕ್ ಮತ್ತು ಮೌಲ್ಯ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಉಳಿದಂತೆ ರಮೇಶ್ ಭಟ್, ಮೂಗೂರು ಸುರೇಶ್, ಸುಮನ್ ನಗರ್ಕರ್, ಅಶ್ವಿನ್ ರಾವ್ ಪಲ್ಲಕ್ಕಿ, ಪಿಡಿ ಸತೀಶ್ ಸೇರಿದಂತೆ ಹಲವರು ಇದ್ದಾರೆ .

ಬಹು ಮುಖ್ಯವಾಗಿ ನೆಗೆಟಿವ್ ಷೆಡ್ ನಲ್ಲಿ ಬಿಗ್ ಬಾಸ್ ಕ್ಯಾತಿಯ ಕಾರ್ತಿಕ್ ಮಹೇಶ್ ಕಾಣಿಸಿಕೊಂಡಿದ್ದು ಒಂದು ಅದ್ಭುತ ಫ್ಯಾಮಿಲಿ ಡ್ರಾಮಾ ಹೇಳಲು ಚಿತ್ರತಂಡ ಹೊರಟಿದಿಯಂತೆ. ಈಗಾಗಲೇ ಟ್ರೈಲರ್ ಮೂಲಕ ಬಾರಿ ಕುತೂಹಲ ಮೂಡಿಸಿರುವ ಈ ಚಿತ್ರ , ವೀಕ್ಷಕರನ್ನ ಯಾವ ರೀತಿ ಸೆಳೆಯುತ್ತದೆ ಎಂಬುದನ್ನು ಕಾದು ನೋಡಬೇಕಿದೆ.